ಮರೆಯಲೆಂದರೂ ಹೇಗೆ ಮರೆಯಲಿ?
ಮರೆಯಲೆಂದರೂ ಹೇಗೆ ಮರೆಯಲಿ,
ಎನ್ನ ಪ್ರೀತಿ ಸುಳ್ಳಲ್ಲ ಕೇಳೆನ್ನ ಗೆಳೆಯ,
ಮರೆಯಲೆಂದರೂ ಹೇಗೆ ಮರೆಯಲಿ?
ನಿಸ್ವಾರ್ಥ ಭಾವವಿದು ಅರಿಯಬಾರದೆ? ನನ್ನೀ ಮೊರೆಯ,
ಮರೆಯಲೆಂದರೂ ಹೇಗೆ ಮರೆಯಲಿ?
"ನೀ ಎನ್ನ ಮನದನ್ನೆ " ಎಂದಿದ್ದೆ ನನಗಂದು,
ಅದೇ ಸಾಲು ಇನ್ನಾರಿಗೋ ಅಲಂಕರಿಸಿದೆ ನೀನಿಂದು,
ಮೋಸಹೋದ ಏನ ಪ್ರೀತಿ ಅತ್ತು ಕರೆದಿತ್ತು ಆ ದಿನದಂದು,
ಬೇಸರ ಕೋಪದಿ ತಿರುಗಿತ್ತು ಮೋಡಗಳಾ ಬಣ್ಣ ಕಂದು,
ಛೆ, ಮರೆಯಬೇಕಿವನನ್ನ,
ಎಂದರೂ ಹೇಗೆ ಮರೆಯಲಿ? ನಿಸ್ವಾರ್ಥ ಭಾವವಿದು ಕೇಳೆನ್ನ ಇನಿಯ.
ಮರೆಯಲೆಂದರೂ ಹೇಗೆ ಮರೆಯಲಿ.
ಮರೆಯಲೆಂದರೂ ಹೇಗೆ ಮರೆಯಲಿ?
ಮರೆಯಲಾರೆನು, ಮರೆತು ಎನ್ನ ಬದುಕಿರದು,
ನೀನಿರದಿದ್ದರೇನಂತೆ ನಿನ ನೆನಪಿಹುದು,
ಆ ನೆನಪಲೆ ಬಾಳುವ ಛಲವಿಹುದು,
"ಎಲ್ಲೋ ಸುಖವಾಗಿರು" ಎಂಬ ಹರಕೆಇಹುದು,
ಮರೆಯಲಾರೆನು. ಏಕೆಂದರೆ,
ನಿಸ್ವಾರ್ಥ ಭಾವವಿದು, ಇದೇ ನನ್ನ ನಿರ್ಣಯ.
