ನಿನ್ನ ಮುಖ ನೋಡಿ , ಸುಪ್ರಭಾತ ಹಾಡಿ,
ಮುಂಜಾನೆಯನ್ನು, ಸ್ವಾಗತಿಸೋ ಆಸೆ.
ನಿನ್ನ ಜೊತೆ ಕೂಡಿ, ಕಡಲ ದಡದಿ ಆಡಿ,
ಮುಸ್ಸಂಜೆಯನ್ನು, ಬೀಳ್ಕೊಡುವ ಆಸೆ.
ಹೂವಂಥ ನಿನ ಮಡಿಲಲಿ , ತಲೆ ಇಟ್ಟು ನಾ ಇರುಳಲಿ,
ಮಲಗಿ ಆಕಾಶ ನೋಡಿ ತಾರೆ ಎಣಿಸುವ ಆಸೆಯೂ.......
ನನ ಸನಿಹದ ಇಡಿ ಬಳಗವ ನೀ ದೂರ ತಳ್ಳಿದೆ,
ಬಹು ದೂರದ ನಾನಾ ಕನಸನು ನೀ ಸನಿಹ ಮಾಡಿದೆ.
ಹನಿಯಾಗಿ ಎದೆ ಸೇರಿದ, ಒಲವೀಗ ಕಡಲಾಗಿದೆ,
ನಿನಗೆ ಹೇಳೋಣ ಎಂದರೆ ಮುಜುಗರ ಕಾಡಿದೆ...........
ಓ ಕಾಲವೇ ನೀ ಓಡದೆ , ಅಲ್ಲೇ ನಿಲ್ಲು ಒಂದೆಡೆ,
ಈ ರಸ ಕ್ಷಣ, ಇಡಿ ಜೀವನ ಹೀಗೆ ಇರಬೇಕಿದೆ,
ನನಗೀಗ ನನ್ನ ಪರಿಚಯ ನಿನ್ನಿಂದ ಖಾತರಿ ಆಗಿದೆ.........
