ನಿನಗೇ ಬರೆದ ಪತ್ರ.
ನಿನಗೇ ಬರೆದ ಪತ್ರ, ತಲುಪಿತೇ ನಿನ್ನ ಮನದಂಗಳವ ಗೆಳತಿ?
ಕಾದಿಹೆನು ಉತ್ತರಕೆ, ತರುವೆಯಾ ಒಪ್ಪಿಗೆಯ ಕಣ್ಣಲ್ಲೇ ಸರತಿ
ಹ್ಞೂ ಅನ್ನು.
ಹ್ಞೂ ಅನ್ನು, ಈಗಲೇ ಆಗುತಿ ನೀ ಎನ್ನ ಹೆಂಡತಿ
ತುಸು ಘಾಟಿ ಎನ್ನಮ್ಮ , ಒಪ್ಪಿಸು ಬಾ ಆಗ ನೀ ಮನ ರಾಜ್ಯದ ಒಡತಿ.
ನಿನಗೇ ಬರೆದ ಪತ್ರ.
ನಿನಗೇ ಬರೆದ ಪತ್ರ, ನಿನ್ನಣ್ಣನ ಕರ ಹೊಕ್ಕಲಿಲ್ಲ ತಾನೆ?
ಅಡ್ಡಿಯಿಲ್ಲ ಸಿಕ್ಕರೂ , ಇಂತಿ ಹೆಸರಿಲ್ಲ ಬಲು ಜಾಣ ನಾನೇ.
ತೋರದಿರು ನಿನ್ನಕ್ಕನಿಗೆ....
ತೋರದಿರು ನಿನ್ನಕ್ಕನಿಗೆ ಅವಳ ಮೊದಲ ಪತ್ರದ ಒಡೆಯ ನಾನೇ,
ಈಗಲೂ ಇಷ್ಟವೇ .....
ಅದರೇನು ಮಾಡಲಿ, ಆಕೆಗೀಗ ಎರಡು ಮಕ್ಕಳು ತಾನೆ?
ನಿನಗೇ ಬರೆದ ಪತ್ರ.
ನಿನಗೇ ಬರೆದ ಪತ್ರ, ಉತ್ತರ ನನಗೇ ಇರಲಿ, ನಿನ್ಹೆಸರು ಕಮಲ ತಾನೇ....
No comments:
Post a Comment
ನಿಮ್ಮ ಪ್ರೋತ್ಸಾಹ,
ನನಗೆ ತರುವುದು ಉತ್ಸಾಹ.